قصيدة ياأبو الاحوال

قصيدة
ياأبو الاحوال


طب إيش
يكون الحال
ياأبو الاحوال
لو بعت ضميرك
ولو بالمال
الحال دلوقتى
رضا
بكرة يكون
اهوال
طعم الزمان
متغير
ساعة الزمان الفقرى
اللقمة ضنك
و الحال كله بلا
مش بالبال
عشان خاطر
فى يوم ميسور
تمام
ويوم نكد
ليك
ماطيقه جبال
اجمع الفرحة
وجمعها باقة للايام
فيه حروف
مرميه
ما فيها زال
ياأبو الاحوال
مش كل لقمة
طرية تتاكل
و لا كل بر
يكتال
ساعة الرضا
بيغنى
فيها الارسال
وساعة الضلمة
زى السبورة
اللى بتاكل الحروف
و الاسماء و الافعال
محمود العياط
من ديوان
حصان فى مرماح